Świętochłowice - Forum bez polityki

Niy wiym co to som te lajki ale dziękuja
To już piyrszy poziom gruby momy, po pewnie tam na tych 165 metrach jakimś przekopym je połączyli.
Jednak i następny poziom te 260m tyż im boł za mało bo ciśli na doł dali i w 1915 roku szybI mioł już 330m głębokości.Jak już wspomniołech z szybym II tak gobko niy szło bo to boł szyb dwa razy większy od szybu I i mioł dwa przedziały A i B .Poziom 33om na szybie II osiągnięto dopiyro w 1923 r.
Kajś tam w szczerych polach za kopytem na Ajsce dziś to miejsce mo swoj adres - ul Lotnicza powstoł następny kopalniany szyb- III. Żeby tak po kronikarsku było to ten szyb zaczęto głębić od 1887r.
Rok pźniej już mioł żelazno wieża i pobudowali tam jeszcze kotłownia i inne pomieszczenia gospodarcze.
Pewnie jakieś szopy i budy,oraz dom do stróża , bo to odludzie było.W roku 1901 szyb III mioł głębokość 230m a 330m osiągnoł w 1928r. W między czasie od rozdzielni na kopalni wykopali row i kładli w tym rowie kabel zasilający na szyb III.Pora lot tymu można było poznać trasa tego kabla bo złomowniki go namacali Jak my tam z Eugynym łaziyli to jo przodzi myśloł ,że jakoś wojna na okopy sie rychtuje
W każdym razie w 1915 roku szyb mioł już nowo wieża wyciągowo, tyż żelazno i elektryczno maszyna wyciągowo.Już kiedyś pisołech, co teryn szybu boł ogrodzony wysokim drewnianym płotym i wiela tam zoboczyć niy szło.Tako wyspa z drzewami z polami na łokoło.
Co by zakończyć tymat szybow to na terynie kopalni boł jeszcze jedyn szyb -IV.Ten szyb zaczęto głębić od marca 1913 roku.Musiało być niyzłe tympo bo już w wrześniu 1914 roku dojechali z nim do poziomu 330m.W nastympnym roku szyb uzbrojono w żelazno wieża wyciągowo i elektryczno maszyna wyciągowo.
Uf sie naszkryflołech

Piyrsze odnotowane w annałach roczne wydobycie kopalni Śląsk wynosioło w 1885 roku niycałe 52 tysiące ton. Wszysto z pokładu Heinzmanna według naszego ówczesnego nazewnictwa to pokład mioł numer 504 czyli cołkiym dobry wongel Eksploatacja wtedy prowadzono systemem zabierkowym.Jak wtoś chce to sie poszuko a jak bydzie mioł pytania to myśla co dom rada odpowiedzieć Potym sie przeciepli na eksploatacjo filarowo- komorowo ale to tak na marginesie
Robota lekko niy boła a obudowa yno drzewo to roz dwa im sie to waloło.

I like (ang. ja lubię; po ślonsku - mom rod). To taki knefel na kery klikniesz to wyskakuje numer kere to jest polubiynie. Take lajki som na bele jakich portalach i na Facebook'u i na nie idzie kliknonć jak ci sie to pisanie czy info podobo. Symbol dłoni z kciukym do gory. Som tyż take co majom kciuk na doł i to znaczy że ci sie coś niy podobo, abo dowosz znać że tyn co to napisoł twoim zdaniym jest gupi. Som take co sie chwolom po tym wiela to łoni lajkow mieli. Tako moda.
No toch ci to tera wyeklerowoł tak jak umia
To żech po twoim tekście napisoł ło lajkach to znaczyło że te pisanie mom rod.

Dzięki
Na początku kopalnia zatrudniała niy cołkie 100 ludzi ale z czasym wszystko rosło.
Statystyki zachowane wspominają ,że np w już w 1891 roku wydobyto 436206 ton a zatrudnionych było niy cołkie 900 ludzi.
W 1900 roku kopalnia zatrudniała 1300 ludzi a wydobyła niy całe 663 tyś ton. Za ten 1900 rok statystyki wspominają że na kopalni było już 27 maszyn parowych i 66 koni.
Niy wiadomo kiedy te konie wprowadziyli bo w wcześniejszych latach jakoś nic o koniach niy spominali.

Jedna z ówczesnych gazet informowała, że 30 stycznia 1914 rku na jednym z głąbionych szybów doszło do wypadku.Firma Stephan & Knippel prowadzioła roboty związane z głębieniem szybu ( Niy napisali kerego) i jej ludzi w ilości 6 zostali nagle zasypani kamieniami.Na skutek tego wypadku dwóch z nich zginęło na miejscu a czterech następnych odwieziono do szpitala, gdzie jak sie to teroz godo Pacjenci nie rokują Nic więcej już potym niy pisali bo to wtedy takie wypadki były na porządku dziennym

Górnictwo to ciężki fach.2 marca 1904 roku mioł miejsce kolejny wypadek na kop Ślask.Jedne gazety opisały to jako zawał skał stropowych a jedna ,że wypadek spowodowany był wybuchem pyłu węglowego. Zginęło wówczas 9 górników.Po wydobyciu ciał przetransportowali je do kostnicy chorzowskiego lazarytu ( w pobliżu niy boło tak wielki kostnicy).Jak opisują kroniki i gazety to boł wtedy
nojwiększy pogrzyb na Śląsku.W niydziela 6 marca 9 karawanow ruszoło z Chorzowa w kierunku Lipin.Na czele konduktu ministranci z krzyżym, 15 pocztow sztandarowych i 5 orkiestr otwierało kondukt.Potym połno górnikow w mundurach galowych, sztajgry i kierownictwo kopalni i kopalń ościennych.Przed karawanami duchowieństwo z Chorzowa, Lipin, Świętochłowic i Łagiewnik.Za karawanami rodziny, sąsiedzi,znajomi Trasa pogrzebu to niezliczone rzesze gapiow.
Na Piośnikach dwa karawany i część konduktu udała sie na Łogiewniki by tam pochować swoich a pozostali ruszyli na Chropocow.Tu lipiński proboszcz pochowoł według opisów na trumnach:
1.Robert Giza lat 19
2.Juliusz Rozkosz lat 21
3.Karol Placzek lat 34
4.Albert Nowak lat 44
5.Wilhelm Palka lat 34
6.Jan Tieszberek lat 31
7.Józef Ormaniec lat 29
Trocha sie nazwiska różnią z tymi podanymi na grobowej tablicy.
Księciuniu wystawioł im okazały grobowiec z charakterystycznymi dla niego lwami.
Jednak w 1912 roku już sie znodli piyrsi wandale i pomnik zbeszcześciyli.Tak to trwo do dziś bo zeszły rok porwali łańcuchy z grobowca

Jakby nie ta opieka

jakby to wyglądało,z drugiej strony emerytów z tej kopalni coraz mniej.
Widać ich stanowiska górnicze.

_________________
[*] http://www.youtube.com/watch?v=4Fx4mshinO0 [*]

Wypadki w górnictwie były, są i bydom bo to taki klimat
W 1885 roku na szybie II postawiyli żelazno wieża i uruchomiyli dla przedziału A maszyna parowo o mocy 550 KM.Dla przedziału B maszyna juz mocniejszo bo o mocy 680 KM uruchomiyli 2 lata późni.
Na szybie I natomiast boła drewniana wieża z zabudowaną w szopie maszyną parową.Taki stan sie utrzymywoł do 1893 roku kidu to wymurowali budynek nadszybia szybu I i postawiyli nowy budynek maszyny wyciągowej.Przi okazji postawiyli nowo markownia.
Szyb I z szybym II w 1885 roku połączoł żelaznu pomost co by urobek z szybu I skierować jak nojlepi na wybudowano przy szybie II sepera (zakład przeróbczy- sortownia)Sepera cołki czos przerobiali, modeernizowali i unowocześniali.Przodzi boł jedyn system seperacji by przed I wojną światową dysponować już 6 systemami.To chyba tak jak dzisioj od miału po rube kynsy

Jak by to kogoś interesowało to tak wyglądały profile szybów nr I ;II i IV kopalni Śląsk w Chropaczowie
Te numerki z lewej strony szybu to numer pokładu węglowego a te z prawej informują jaki ten pokład był gruby
Widać jak na paci co sie opłacioło brać a o czym lepiej zapomnieć

Hanek jak Ci jeszcze żodyn tego niy pedzioł to jo to zrobia,Tyś jest genialny.Napisołeś
"Szyb I z szybym II w 1885 roku połączoł żelazny pomost"
I od tyj chwili wiym co jest grane z tymi mostami,mosty były dwa a tyn trzeci od strony szybów to wspomniany pomost był.
O tych kuksach i polach tyż żeś fajnie napisoł,jakbyś wiedzioł ile razy czytołech opisy kuksów i pól górniczych zanim żech pochopioł.No ale to pisali profesory to kaj mie to za piyrwszym razem rozumieć.

_________________
[*] http://www.youtube.com/watch?v=4Fx4mshinO0 [*]